Најдобриот стрелец во есенскиот дел од сезоната во Првата македонска фудбалска лига (ПМФЛ) Мартин Мирчевски ги напушти редовите на струмичкиот прволигаш Академија Пандев и кариерата ќе ја продолжи во членот на српската Супер лига, ТСЦ Бачка Топола. Мирчевски заминува од Академија Пандев по само една полусезона во која се истакна со својата голгетерска форма и ги напушта македонското првенство како најдобар стрелец во актуелната сезона со 16 голови на 18 натпревари.
– Интересот за најдобриот стрелец во ПМФЛ беше голем. Сепак, единствен тим кој достави конкретна понуда беше ТСЦ Бачка Топола, а таа понуда се совпадна и со желбата на фудбалерот да оди чекор напред во кариерата. Минче ти благодариме за сè што постигна за нашиот клуб за толку краток период. Продолжи со исто темпо и во новата средина, соопшти од Академија Пандев.
Од Академија Пандев деновиве замина и Андреј Стојчевски кој се пресели во ФК Жилина од Словачка
,,Андреј дојде во Академија Пандев пред една година и со своите игри докажа дека се работи за голем талент. Ние сме среќни што еден млад фудбалер кој има само 18 години ќе има шанса да се доразвие во посилна лига и во клуб со голема традиција, како што е клубот на Жилина,, објавија од Академија Пандев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
