Академија Пандев објави дека го реализираше првото летно засилување. Станува збор за Никола Серафимов, македонскиот младински репрезентативец кој доаѓа од чешкиот клуб Јихлава Височина, а претходно настапуваше и за екипата на Вардар. Инаку игра на позицијата централен дефанзивец. 20-годишниот Серафимов го одработи и првиот тренинг со сениорскиот тим кој од завчера ги почнаа тренинзите за новата првенствена сезона.
Инаку Академијата од минатата сезона сениорскиот тим го напуштија Душан Чубраковиќ, Мите Цикарски, Стефан Костов, Ангел Гранчов, Бојан Најденов, Кристијан Стојкоски, Ѓорги Танушев, Ндуе Мујеци. И во следното првенство ,, пандевци’’ ќе ги предводи стратегот Александар Таневски
Тие денеска објавија дека се договорени 4 од 6 те планирани контролни меча до стартот на новиот шампионат. Договорено е на 14 јули да одиграт тест меч со Македонија ЃП во Скопје а четири дена подоцна на теренот на СРЦ ,,Пандев’’ во Струмица да ги одмерат силите со Силекс и на 25 со Кожув од Гевгелија а договорен е датумот и со Тиквеш од Кавадарци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
