Пандевци влегуваат во опасната зона на Првата лига, пораз и од Ренова и паднаа на седмата позиција

1538

Фудбалерите на Академија Пандев претрпеа нов првенствен пораз со кој се приближија  на опасната зона на елитното друштво. Ако есента беа во врвот на табелата, со новиот – деветти пораз во првенството паднаа на седмата позиција каде со последно пласираните екипи имаат речиси идентичен број бодови, иако разликата од четвртопласираната до фенерџијата на табелата е само 6 бода.

Иако има уште да се игра до крајот на првенството, серијата лоши резултати започната од октомври минатата година фудбалерите на Академија Пандев никако да ја прекинат. Денеска во рамките на 23 тото првенствено коло од Првата фудбалска лига на Македонија на свој терен беа совладани од тимот на Ренова со 1:0.

Голот падна во 38 минута иако пред и после струмичани имаа можности да го отворат резултатот или во најмала рака да израмнат. Имаа шанси но не и реализација. Ренова по постигнатиот гол ја зацврсти одбраната. Академијата од прекини сакаше да дојде до реми но резултатот остана во корист на гипсарите

Следното коло пандеви и гостуваат на Струга Трим Лум.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.