Општина Радовиш го објави конкурсот за стипендирање на ученици во основните училишта во општина Радовиш и СОУ „Коста Сусинов“- Радовиш, за учебната 2022/2023 година. Ќе бидат доделени вкупно 29 стипендии од кои 24 ќе бидат за талентирани ученици по основ на постигнат успех а 5 ќе бидат доделени на ученици чиишто семејства се социјално загрозени.
Како што стои во конкурсот ќе бидат доделени 16 стипендии за ученици од Основните училишта од 6 до 9 одделение за секоја генерација по четири. Висината изнесува 2 500 денари месечно за период од 9 месеци. Стипендии ќе добијат и 8 средношколци од кои 5 се наменети за ученици што се запишале во прва година а останатите 3 ќе бидат за ученици од втора, трета и четврта година. Нивната стипендија ќе биде 3 000 денари исто така за период од 9 месеци.
Општина Радовиш ќе додели и 5 стипендии на ученици во основните училишта и ученици во средното образование од општина Радовиш чиишто семејства се социјално загрозени.
Конкурсот може да се види ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
