Општина Конче набави ново возило за потребите на ЈПКД Лакавица за собирање и транспорт на отпадот од домакинствата. Станува збор за возило со капацитет од 2,5 кубни метри набавено со грант од проектот ,,Подобрување на општинските услуги МСИП’’ во соработка со Светска Банка. Како што не информираше градоначалникот на Конче Благој Илиев со новото возило ќе се овозможи побрз и поефикасен пристап во собирањето на сметот од околу 800 домакинства од сите населени места во општината но и од Мантово кој стана доста посетуван од гости.
,,Со новото возило значително се подобува капацитетот на комуналното претпријатие. Со истото ќе овозможиме навремено, редовно и контуинирано собирање на отпадот од домакинствата кои го одлагаат отпадот во поставените контејнери. На тој начин ќе овозможиме и поголема заштита на животната средина во општина Конче имајки во предивд дека тоа ни е приоритет. Со новото возило, ЈПКД Лакавица отпадот ќе го собира по однапред утврден распоред по населените места и соодветна динамика,, информираа од општината
Градоначалникот Илиев потенцираше дека ЈПКД ,,Лакавица,, со веќе добиената лиценца за собирање и транспорт на отпадот од домакинствата и индустриските капацити од Министерствоо за животна средина, очекува подобрување на еколошката слика на општината но и зголемување на капацитетите на комуналното во интерес на граѓаните.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
