Во рамките на проектот ,,Развој на деловни услуги за интегрирана грижа и поддршка,, што Црвениот крст на Македонија го реализира со поддршка на австриските колеги и на Австриската агенција за развој, се планира одморалиштето на Црвен крст во Дојран да пререасне во Центар за колективно активно здраво стареење за стари лица. Сето тоа се планира да се реализира откако струмичката организација на Црвениот крст во наредниве три години треба да обучи околу 80 лица од сите 10 општини од Југоистокот за грижа и нега на стари лица како сертифицирани асистенти и негуватели кои може да даваат услуги. Маријана Тошева од Црвениот крст вели дека тој центар ќе биде како социјално-медицински центар а не класичен старечки дом
,, Преку овој систем за интегрирана деловна грижа, кога во Југоистокот ќе бидат изградени квалитетни кадри имаме за цел да го направиме Детското одморалиште во Дојран во еден Центар за колективно активно здраво стареење за стари лица. Тоа нема да биде класичен старечки дом. Тука би можеле ние како Црвен крст да опфатиме и голем број на лица кои неможат или немаат средства да бидат сместени во некој од домовите во земајва па дел од средствата што би ги црпеле од развојот на самите деловни услуги да ги реинвестираме како помош на тие лица кои ќе доаѓаат од социјално ранливи категории,, рече Тошева
Проектот е во времетраење од три години кој предвидува грижа и нега на стари лица. Освен изработка на студија на изводливост и бизнис план за поставување на социјално – медицински центар во Дојран, предвидено и воспоставување сервис ,,Итно копче’’ за стари лица во Скопје но и отворање на Регионален центар во Струмица за обезбедување на сертифицирани и обуки и сервиси во домашни услови на стари лица и лица со попреченсот во 10 оптшини од Југоистокот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
