Одбојкарите на Македонија се собраа во Струмица и ги почнаа подготовките за злато во Европската лига (фото)

1021

Македонската одбојкарска репрезентација денес се собра во Струмица и ги почна подготовките за настап во Европската сребрена лига во која ќе атакуваат на злато со оглед дека Македонија и Струмица се домаќини на завршниот турнир од ова натпреварување. Одбојкарите вечерва го одржаа и првиот тренинг во спортската сала Парк каде се планира до 21 мај. Подготовките ги почнаа без селекторот Никола Матијашевиќ кој во Струмица треба да допатува задутре.

Македонската одбојкарска репрезентација во Европската сребрена лига се најде во групата А во која се и репрезентациите на Данска, Израел и Кипар.  Тие мечевите од групната фаза ќе ги играат во Струмица во салата Парк од 21 до 23 мај. Македонија на 21 мај ќе се сретне со Кипар, следниот ден на 22 со Израел а на 23 мај со Данска. Вториот турнир од групата А е од 28-30 мај кој  го организираат Данците.

Независно од исходот од ова група, македонската селекција има дирекнто учество на завршниот турнир кој ќе се игра во сала Парк во Струмица на  5 и 6 јуни. Таму ќе се најдат најдобрите од нашата група но и од групата Б каде се селекциите на Хрватска, Австрија, Унгарија и Луксембург

,,Одиме на злато иако ни најмалку нема да биде лесен патот,, ни изјави Никола Ѓоргиев капитенот на македонската репрезентација

Според планот македонските репрезентативци  кои досега имаат освеоно три сребра и една бронза во ова лига, во периодот од 13 до 15 мај  пред групната фаза, планираат да одиграат пријателски мечеви со селекцијата на Србија но се зависи од состојбите со ковид-19 на балканските простори.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.