Струмичкото основно јавно обвинителство покрена обвинение против 19 лица од Струмица заради непочитување на здравствените прописи за време на епидемија и од струмичкиот суд бара да бидат казнети по 500 евра. Како што стои во информацијата од Јавното обвинителство, обвинетите во периодот од 1 до 4 април, не ги почитувале одлуките и мерките на Владата со кои се забранува движење на населението на територијата на државата и секој од нив, во одделни кривично правни настани, не постапил согласно прописите за сузбивање или спречување на опасната заразна болест предизвикана од коронавирусот.
Заради стореното кривично дело – Непостапување според здравствени прописи за време на епидемија од член 206 став 1 од Кривичниот законик, Основното јавно обвинителство Струмица до Основниот суд Струмица поднесе предлози за издавање казнени налози и за секој од обвинетите предложи судот да изрече парична казна во висина од по 50 дневни глоби, а секоја дневна глоба да е во висина од по 10 евра во денарска противвредност.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
