Одбојкарките на Наковски Волеј направија исчекор во трката за освојување на Шампионската титула во годинашнава првенствена сезона. Во рамките на полуфиналето од плеј офф мечевите, струмичанки со 3:1 го совлада актуелниот шампион Јанта Волеј од Скопје и поведоа со 1:0 во борбата за пласман во шампионското финале.
Тимот од Струмица се покажа далеку подобар во првата меѓусебна пресеметка и на гостинките им го дозволија само вториот сет. Се друго беше на страната на избраничките на Хари Наковски и Александар Митев кои беа одлични и во приемот и во организација на нападот па славеа со 3:1 во сетови (25:18, 22:25, 25:19, 25:21)
„Покажавме што значат константност, упорност и квалитетна игра на теренот. Натпреварот беше полн со надмудрувања и тешки моменти, но нашите девојки уште еднаш докажаа дека имаат карактер, срце и вистинска посветеност“, објавија од клубот
Во понеделник е вториот полуфинален меч . Наковски Волеј му гостува на Јанта. Ако струмичанки го добијат тогаш играат финале каде ќе играт со подобориот од меѓусебната пресметка на Младост УГД и Работнички каде Работнички направиј брејк
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
