Вчера и денеска инспектори од Државниот земјоделски инспекторат биле во контрола на откупните пунктови во струмичко за да утврдат дали има прекршувања на договорената откупна цена од 15 денари за пролетната зелка, откако раноградинарите од Куклиш но и пошироко реагираа дека не се почитува и родот им се исплаќа по 10 денари. Како што кажа директорот на Државниот земјоделски инспекторат Зоран Шапуриќ во регионот имало инспектори и од други градови, но за жал во Куклиш наишле на затворени откупни пунктови и дека до нив како институција нема ниту една преставка од било кој земјоделец за било какви неправилности.
,, Има контрола не само од инспекторите од Струмица туку и од други градови од земјава. Морам да констатирам дека денес во Куклиш речиси сите откупни пунктови беа затворени. Во регионот извршивме контроли во вкупно 7 откупни пункта а контролите ќе продолжат и деновиве со цел да ги заштитиме земјоделците. Сакам да ги охрабрам градинарите да поднесуваатт преставки бидејки до нас како инспекција никој нема реагирано конкретно, каде во кој откупен пункт се откупува пролетна зелка по 10 денари, односно дека истите имат објавено цена од 15 денари а исплаќаат по 10 денари. Кај сите кои ќе констатираме неправилности ќе следуваат санкции,, изјави директорот на инспекторатот Зоран Шапуриќ
Викендов раноградинарите од струмичко Куклиш преку меидумите побараа помош од МЗШВ и земјоделскиот инспекторат, со оглед дека на теренот се вршела манипулација со откупните цени на пролетната зелка.
,,Ние раноградинарите од Куклиш струмичко но и другите се среќаваме со потешкоти и нерегуларности со пласманот и цената на нашите раноградинарсќи култури како што во моментот е пролетната зелка. Поголем дел од нашите производи се извезуваат директно од откупните центри кои моментално повеќето од нив не ја сообираат пролетната зелка, а дел од нив ја откупуваат за 10 денари по килограм кое е 5 денари по малку од зададената цена од министерството за земјоделие и требаше да биде применувана се до 20 април,, напишаа раноградинарите
Минатата недела МЗШВ соопшти дека на состанок со откупувачите од струмичко е договорено откупната цена на пролетната зелка до 20 април да биде 15 денари за килограм. Овие денови во струмичко се очекува и зголемување на пондуата со произведените количина.
М. К.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
