Полицискиот час во земјава за време на престојниот Велигден ќе почне од 16 часот во петок и ќе трае до 5 часот наутро во вторник одлучи Владата на денешната седница за да се спречи ширењето на коронавирусот. Паралелно Владата донесесе и дополнителна мерка со која, од четврток во 16 часот до вторник наутро се забранува движење на сите излетнички места, паркови и шуми низ целата држава.
Возрасните над 67години во овој период како и досега право на движење ќе имат во периодот од 10 до 12 часот. За младите до 18 години останува активна забраната за движење во текот на сите работни денови, од понеделник до петок, освен во периодот од 13 до 15 часот.
„Аптеките ќе работат непречено, а Министерството за здравство ќе изработи план за непречена работа и на здравствените установи. Исклучоците од забраната за движење важат за полицијата, армијата, здравствените работници и за маркетите и рестораните кои вршат достава на производи, при што тие своите ангажмани ќе ги реализираат непречено“, велат од Владата
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
