Над милион евра штета пријавиле опожарените во Глобал – Владата ќе одлучува дали и колку ќе има помош !

1001

Советот на Oпштина Струмица го усвои извештајот на Комисијата за проценка на штети која правеше проценка на штетите на физичките и правните лица  чии објекти настрадаа во јануарскито пожар во ГТЦ Глобал. Вкупнатa штета како што информираа од Комисијат изнесува нешто повеќе од милио невра. Штети се констатирани на самите објекти, трговската стока,обртни средства.

,,До Комисијата беа поднесени вкупно 70 барања за проценка на штетата, од кои 20 се од физички и 50 од правни лица.Констатирано е дека кај објектите во сопственост на физички лица има штета од околу 5 милиони и 800 илјади денари додека штетите кај фирмите на основни средства, трговска стока и обрнатните средства има штета од околу 59 милиони и 800 илјади денари,, кажа Ацо Ѓеоргиев од комисијата за проценка на штети од природни катастрофи и елементарни непогоди

Извештајот со проценетата штета ќе биде поднесен до Владата која треба да одлучува дали ќе даде помош на опожарените и во кој процент. Ацо Ѓоргиев тврди дека тоа останува на добра волја на самата Влада бидејки станува збор за директна помош а не обештетување. Во меѓувреме здружението ,,Обнова Глобал,, со донираните пари ја ангажираше фирма Технохигиена која изведува градежно занаетчиски работи

Сеуште не се утврдени причините за големиот пожар во ГТЦ Глобал кој се случи на 2 јануари. Јавното обвинителство суште работи на овој случај за да утврди има ли одговорност за огнената стихија која остави десетици фамилии без егзистенција а предизвика милионски штети

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.