Деновиве треба да биде целосно завршено повеќенаменското игралиште во Моноспитово кое се наоѓа во кругот на ООУ ,,Борис Трајковски”. Станува збор за игралиште во вредност од 22 илјади 855 евра кое го гради фирмата Пешо Инженеринг од Струмица а беше најавено од страна на градоначалникот на Босилово Ристо Манчев во декември минатата година
,,Игралиштето ќе може да го користат и учениците од школото но и младите од Моноспитово. Средствата се обезбедени од Буџетот на општината. Ова е прва фаза за овој проект. Сакаме во иднина да обезбедиме средства и за оградување и осветлување на игралиштето и ќе работиме на тој план,, ни изјави градоначалникот на Босилово Ристо Манчев
Согласно договорот потпишан меѓу општина Босилово и фирмата Пешо инженеригн околу игралиштето треба да има поставено и четири монтажни корпи за отпадоци но и четири метални клупи за одмор и релаксација.
Наредната недела се очекува да се асфалтира и повеќенаменското игралиште во Робово чија вредност е 23 илјади и 226 евра а го гради фирмата Џови Компани од Мокрино
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
