Младиот Стефан Ончев од Струмица ја освои првата награда по пијано на престижниот 20 ти по ред меѓународен натпревар „Даворин Јенко“ во Белград Србија каде учествуваа 60 тина кандидати од Словенија, Бугарија, Босна, Србија.
10 годишниот Ончев ученик при ОМУ „Боро Џони “ од Струмица во класата на проф. Марија Максимова и Ана Тимова беше единствениот кандидат од Македонија на овој натпревар во неговата категорија а според информациите со своето свирење не ги остави рамнодушни ниту жирито ниту публиката кои со аплаузи го поздравија малиот пијанист од Струмица.
Музичкиот натпревар “Даворин Јенко”, кое годинава слави јубилеј 20 години постоење, има силен меѓународен карактер. Покрај негување на основниот натпреварувачки дух, организаторот привлекува внимание на стручната јавност и заради својот професионален и отворен став кон класичната, но и кон современата музичка уметност. Стручната комисија е секогаш составена од домашни и од странски професори и педагози, низ чии “раце” досега поминале вкупно 8.500 натпреварувачи од над 20 земји од цела Европа.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
