Министерот Димковски на средба со тутунарите во Конче, најави дека целокупното производство со тутун ќе биде откупено

897

Министерот за земјоделство, шумарство и водостопанство, Трајан Димковски, на барање на тутунопроизводителите од Општина Конче, заедно со градоначалникот Благој Илиев, остварија средба на која беше разговарано за нивното незадоволство од текот на откупот на тутун од реколтата 2019 – та.

Иако досега откупот се одвивал без никакви проблеми и откупени се околу 70 отсто од тутунот, тутунопроизводителите се загрижени за остатокот на тутун кој сеуште не е откупен.На состанокот присуствуваа и претставници на фирмите откупувачи како и претседателот на Сојузот на Здружението на тутунари.

Министерот Димковски, по средбата со тутунопроизводителите, посети еден од откупните пунктови во Конче.

,,Откупот продолжува и понатаму и нема место за загриженост бидејќи институциите и откупувачите ќе направат се што е во нивна моќ за тутнот да биде откупен во целост, согласно договорените количини’’ информираа од МЗШВ

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.