Општина Василево за неколку дена собра околу еден тон текстилен отпад кој место на депонија ќе добие нова употребна вредност. Во рамките на одблежување на еко месецот, во општината се одржа акција во која активно се вклучија ученици, вработени во јавни институции како и голем број граѓани .
„Жителите одговорно го одложуваа текстилниот отпад во посебно поставените контејнери, со што дадоа значаен придонес во намалувањето на загадувањето и подобрувањето на управувањето со отпадот.Со оваа текстилниот отпад не завршува на депонија, туку се рециклира и добива нова употребна вредност“, информира првиот човек на општината Славе Андонов
Општинските власти на Василево информираат дека специјалните контејнери ќе останат на поставените локации и во наредниот период, со цел граѓаните да имаат можност континуирано и секојдневно да го одложуваат текстилниот отпад. Од Општина Василево упатија благодарност до сите учесници во акцијата, истакнувајќи дека заедничката ангажираност е клучна за создавање почиста и поздрава животна средина.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
