Министерството за внатрешни работи идентификуваше 18 лица од Гевгелија кои завчера за време на полициски час заигра оро среде улица, со што ја прекршиле забраната за движење за да не се шири коронавирусот. Станува збор за настан што се случи во неделата на Велигден а видеото со гевгелиските играорци осамна на социјалните мрежи и наиде на лавина реакции кај останатите граѓани. Како што соопштуваат од МВР со осум лица се извршени службени разговори а останатите се повикани во полициската станица во Гевгелија
,,По целосно документирање на настанот против сите инволвирани ке бидат поднесени соодветни казнени пријави, а целокупната постапка е во координација со надлежен обвинител при ОЈО Гевгелија,, стои во соопштението од МВР
Жителите пак од улицата ,,Јосиф Јосифовски’’ од Гевгелија велат дека станувало збор за оро кое не траело повеќе од пет минути на кое се фатиле повеќе соседи откако седеле во сопствените дворови на Велигден. Како што ни кажаа ги понела самата празнична атмосфера и музиката и не си го оправдуваат потегот што го направиле во неделата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
