Второлигашот Струмица ја прокнижи и седмата победа во првенството откако на гостувањето во Куманово славеа со 96:87 (26:31 20:26 20:21 21:18) против домашниот тим. Со ова победа, седма по ред во лигата, остануваат на втората позиција во источното друштво од каде најверојатно ќе разигруваат за Првата лига.
Струмичани одиграа одличен натпревар во кој постојано имаа контрола на резултатот и играта и во ниту еден момент не му дозовлија на домашниот состав да направи пресврт. Победата ја најавија уште во првото полувреме кога имаа плус 11 (46:57). Во продолжението кумановци се обидоа да ја анулираат предноста, но немаа сили да му се спротистават на разиграната Струмица
Абрашев беше најефикасниот кај КК Струмица. Во кошот на Куманово уфрли 24 поени, Михајлоски 23, Макенаџиев16, Божинов 12, Динев 10, Димитриев 6 и Ѓеоргиев 5 поени. Со скор од 7 победи и 2 пораза КК Струмица е втор а следното коло дома игра со тимот на Борец од Велес, од кој претрпеа пораз есента.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
