Кошаркарите на Струмица забележаа значајна победа во рамките на 11 коло од Втората лига на гостувањето во Тетово каде со 77:69 го надмудрија домашниот Тетекс. Ова е втора победа по ред откако неделава го смирија и Охрид на свој терен а вкупно 6 победа за струмичани. Со вкупно 17 бода струмичани во конкуренција на 12 екипи се на четвртата позиција и се обидуваат да дојдат до подобра стартна позиција пред плеј офф пресметките.
Победата во Тетово нималку не беше лесна. КК Струмица настапи без пет стандардни првотимци. Ахтаров, Абрашев, Макенаџиев, Костадинов и Стојаноски заради повреди паузираа. Сето тоа го искористи домашниот Тетекс кој понесен од публиката го доби првиот период со 21:13, но струмичани не потклекнаа и во вторите 10 минути возвратија со 12:22 и со минимална предност заминаа на одмор
Клучна беше третата четвртина каде КК Струмица повторно ја стегна одбраната а беше сигурна во противничкиот кош. Со 11:20 си направи двоцифрена предност која успеа да ја задржи до крајот на мечот за победа иако последните десет минути им припаднаа на домакините со 25:22
Мелов со 25 поени беше најефикасен кај КК Струмица, Зетов постигна 15, Димитриев 14, Шајкаров 10, Ѓорѓиев 8, Алексиќ 5 поени
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
