Идната недела ќе се знае која фирма ќе го гради опожарениот Дом на култура во Куклиш прва фаза, бидејки денеска истекува рокот за доставување на понуди од економските оператори откако Општина Струмица распиша Оглас за јавна набавка за ова намена минатиот месец. Вредноста на јавната набавка изнесува 7,3 милиони денари или приближно 120 илјади евра со вклучен ДДВ иако на јавната аукција може и да се намали цената од страна на фирмите што ќе се јават.
4 милиони денари со ДДВ се обезбедени од Министерството за локална самоуправа со договор за финансирање проекти за намалување на диспаритетот меѓу и во рамките на планските региони и зголемување на регионалната конкурентност за 2022. Останатите 4 милиони и 300 илјади денари со вклучен ДДВ ќе биде ообезбеден од Буџетот на општината стои во Огласот за јавна набавка кој истекува.
Во рамките на првата фаза се предвидени изведба на градежно и градежно занаетчиски работи но и поставување на громобранска инсталација на објектот кој пред повеќе години стои опожарен. Како што беше најавено, согласно проектната документација во објектот е предвидено сала за приредби и претстави со сцена и гардероби за изведувачи, библиотека со читална, две простории за културно уметнички друштва, две канцеларии, клуб на пензионери, канцеларија на Месната заедница, кафетерија, санитарни простории и технички простории
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
