Сопственикот на ФК Академија Пандев и капитен на македонската фудбалска репрезентација Горан Пандев кој вчера излезе со силни критики кон ФФМ, денеска појасни зошто ,,удри’’ по структурите на Федерацијата.
Излеговте со статус со кој ја критикувавте ФММ на што се должи тој статус? Која беше причината?
Пандев: Ја кажав само вистината како стојат работите во мак фудбалот. Ова не е само од последниот натпревар што се одигра во саботата, туку тоа е и од минатото првенство. Знаеме дека првенството беше прекинато заради пандемијата а имаше уште неколку кола да се доиграт и никој не превзеде одговорност а клубовите потрошија. Јас зборувам за нашиот клуб. Потрошивме куп пари а на средината од првенството се прекина а бевме и во полуфиналето од Купот. Но никој не превзеде одговорност. Видовме кои екипи излегоа во Европа и се заташка работата. Помош нула. Сега во вакви услови дозволија да се игра натпревар а се знаеше какви ќе бидат временските услови за време на викендот во Македонија уште пред 5-6 дена. Некој си таму делегат и некои луѓе кажале дека теренот е добар и имало одлични услови за игра и можело да се игра. Добро е што немаше повредени . Не сум против претседателот на ФФМ но треба да се чукнат во глава да размислат како го водат нашиот македонски фудбал бидејки нашиот фудбал така не може да продолжи….
Академија Пандев побара ли одложување на саботниот меч заради снегот и замрзнатиот терен ?
Пандев: Да побара и гостинската екипа се согласила да не се игра, но очигледно на делегатот му беше поважна дневницата. Можеби се плашеше дека немаше да му се платеше дневница ако го откажеше напштреварот. Луѓе дајте Ве молам ….Беше срамно….Излезе и во италијанските медиуми на каков терен се игра фдубал во Македонија….Не е битен резултатот или како заврши натпреварот. Најсреќен сум што немаше повредени, бидејки срамно е што мечот се одигра.
Спомнавте во статусот дека ако не се слушне гласот на клубовите ,,дали треба да се повлечам’’
Пандев: Секаде во светот одлучуваат клубовите. Неможе некој луѓе да даваат пари па да дојде Трајко, Петко и некој друг да одлучуваат за клубовите. Мислам редно време е клубовите да ја превземат одговорноста и јавно да кажат дека тие треба да ја водат македонската лига, оти тие се сопственици на клубовите, даваат пари и мислам не треба да се молчи, треба да се излезе јавно и да се кажат како стојат работите во Федерацијата. Очигледно на некои им одговара така како што стојат работите, имаат загарантирано место во Европа. Се знае кој ќе испадне а кој ќе влезе и така со години си го терат мак- фудбалот. Секоја чест за репрезентацијата и условите, но зборам за клупскиот фудбал за Прва лига и редно време е веќе клубовите да ја превземат одговорноста и јасно да кажат дека вака не може да продолжат да се натпреваруваат во нашата аматерска лига бидејки ја водат луѓе аматери од Федерацијата.
Според Пандев што треба да се направи ?
Пандев: Треба претседателот да ги повика сите клубови прволигаши и второлиши и да им ги остави лигите да ги водат истите. Не може некои луѓе таму да одлучуваат за Академија Пандев, за Вардар, за Шкендија, за Шкупи, за луѓето кои даваат пари од сопствен џеб. Па како ќе ги натераме спонзорите да дојдат и дадат пари ако однпаред се знае како ќе биде во нашата лига?
Можно ли е Пандев да се откаже од финансирање на клубот?
Пандев: Па незнам. Видете да Ви кажам најискрено, зошто јас да вложувам во мак фудбалот јас изградив СРЦ , 10 години помагам на Академијата, има повеќе од 70-80 семејства кои земаат плата од клубот. Незнам како да продолжам кога не сме заштитени и немаме услови. Имаме ТВ права нула евра, единствено топки ни пуштат од Федерација а друго нема ништо, па како Горан да продолжи да инвестира.
Пандев ова не е прва ваша реакција и лани реагиравте
Пандев: Не е тоа од сега, тоа е така повеќе од десетина години. И исто си терат. Тие си земат добри плати, добри дневници. Репрезентацијата има добар успех сигурно они се најзаслужни за успехот затоа што имаат добар чартер лет и хотел и ние спиеме во добар хотел, имаме чартер лет и ги победувавме мечевите со нивна помош. Но не е така. За да имаме малку професионална лига треба да се седне и разговара а не да се кријат зад репрезентативните резултати. Треба еднаш да имаат лице да излезат пред клубовите да седнат и да се договорат како треба да функционира една лига, оти 12 клуба неможе да функционираат така, во како што велам, лига која ја водат аматери.
Го имате доставено ова како предлог
Пандев: Академија Пандев во неколку пати реагира но место на подобро работите одат на полошо.
Очигледно е дека барате усогласување на статутот на ФФМ согласно законот за спорт како што бара АМС….
Пандев: Мене толку не ме интересираат правните работи околу статути или АМС или Федарцијата, бидејки не ми се познати , мене ме интересира нашиот клуб да има глас во Федерацијата да одлучува, оти ако имаше комисија прволигашки клубови, мислам дека тоа што се случуваше во саботата немаше да се случи. Да има некој главен што ќе ја води македонската Прва лига. Не ме интересира ниту најавите за изборно собрание и кој ќе биде претседател, мене ме интересира да се слушне гласот на клубовите….
Што очекувате од Академија Пандев
Знам во кава ситауција е тимот но јас ќе ви кажам дека Академија пандев ќе се спаси, Ви гарантирам дека нема да игра ниту бараж ќе покаже времето. Верувам во овие играчи и верувам во Васоски. Ако не верувам немаше да ги ангажиравме
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
