Регулаторната комисија за енергетика и водни услуги (РКЕ) денеска донесе одлука со која се врши зголемување на малопродажните цени на нафтените деривати во просек за 2,64 %, односно за половина до 1,5 денар од вечер на полноќ.
Малопродажната цена на бензинот Еуросупер БС-95 се зголемува за 1,00 денар/литар и сега ќе чини 63,5 денари, додека цената на Еуросупер БС-98 се зголемува за 0,50 денар/литар и ќе се продава по 65 денари.
Малопродажната цена на Еуродизел (Д-Е V) ќе биде повисока за 1,5 денар и ќе чини 54 денари за литар, а Екстра лесното масло за домаќинство (ЕЛ-1) исто така ќе биде поскапо за 1,5 денар и ќе чини 43,50 денари.
Се зголемува и цената на Мазутот М-1 НС се зголемува за 1,458 ден/кг и сега ќе изнесува 34,342 ден/кг.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
