Во наредните три дена во Радовиш се одржува традиционалната манифестација Самун ем татлија но и меѓународниот фолклорен фестивал Радовишки собор на кој се очекува илјадници посетители од земјава и странство. Од таа причина општината донесе одлука да не се наплаќа паркинг за време на манифестацијата од 30 ти септември 1 и 2 октомрви, имајки во предвид пред десетина дена и официјално почна да фунцкионира зонското паркирање во Радовиш со цени од 20 и 30 денари за изминат час
,,Советниците на 17-та седница едногласно донесоа одлука за ослободување од плаќање на паркинг простор за претстојната манифестација „Самун ем Татлија“ за деновите 30 септевмри, 1 и 2 октомври 2о22 година,, стои во известувањето од општината од каде соопштуваат и за времен режим на сообраќајот во Радовиш
Од општината упатија апел до граѓаните на Радовиш во деновите 30 септември, 01 и 02 октомври кога се одржува манифестацијата „Самун ем Татлија“ движењето со моторни возила да го сведат на минимум и кон манифестацијата да пристапуваат без возила со цел да се растерети сообраќајот, да се обезбеди непречено одвивање на сообраќајот и да се ослободи место за паркирање за возилата што ќе пристигнат од другите градови. Паралелно воведоа и времен режим на сообраќај за овој период
,,Времената забрана за сообраќај и времениот режим на сообраќај ќе започне од 29.09.2022 год (Четврток) и ќе трае до 03.10.2022 год. (Понеделник). Режимот на сообраќај за време на Манифестацијата „Самун ем Татлија“ во општина Радовиш е согласно доставениот сообраќаен проект и даденото Одобрение од СВР – Струмица а се однесува на улиците „22 Октомври“, „1 Мај“, „Коста Сусинов“ и ул.„Партизанска“. Ве молиме за разбирање и се надеваме дека сите заедно ќе придонесеме за уште еднаш да ја прикажеме општина Радовиш како добар домаќин,, информираат од општината
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
