За последните 24 часа починаа 32 болни од ковид-19 а регистрирани се уште 1.511 позитивни од 4.445 тестирања, соопшти Министерството за здравство. Ова е највисока дневна бројка позитивни од почетокот на коронакризата во земјава, по 26 март кога беа регистрирани 1.422 нови случаи од 4.277 тестирани.
Висока е бројката на позитивни и во Југоистокот. Регистрирани се 108 новозаболени лица и тоа во Струмица 38, Гевгелија 35, Радовиш 15, Валандово 10, Богданци 7 и Дојран 3. Според дневната ковид статистика во Југоистокто починале три лица и тоа во Струмица на возраст од 86 и 80 години и во Гевгелија на возраст од 58 години
Регистрирани се 587 оздравени пациенти во земјава. По градови во Југоистокот Струмица и Гевгелија – по 13, Богданци – 3, Радовиш и Валандово – по 2.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
