До ноември треба да биде изграден локалниот патен правец Дамјан-Погулево кој се гради со средства обзбедени од Центарот за развој на Југоисточниот плански регион и од Буџетот на општина Радовиш. Струмичката фирма Портланд го доби тендерот за овој проект во висина од приближно 154 илјади евра кој на средината на месец април годинава беше воведен во работа а според договорот е должен целиот проект да го реализира во рок од 6 месеци.
Станува збор за локален патен правец во должина од приближно 2 километри или 1927,81 метри – проект кој доби зелено светло од Советот на градоначалници на Југоисточниот плански регион за програмата 2021 како приоритетни за реализација со средствата што Центарот ги обезбедува преку Бирото за регионален рамномерен развој и општините.
,,Оваа делница е од круцијална важност и значење за овој дел од регионот од аспект на развојот на стопанските дејности како и пристап до земјоделско земјиште, пристап до сточарските фарми и познатите културно-историски локалитети,, соопштија тогаш од Центарот за развој на Југоисточниот плански регион
Инаку проценетата вредност за реализација на овој проект изнесуваше 16,1 милион денари но на распишаната јавна набавка се јавија дури 12 градежни компании кои покажаа интерес да го работат патниот правец Дамјан-Погулево но фирмата Портланд од Струмица достави најниска цена од 9 милиони и 453 и 527 денари или околу 154 илјади евра.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
