Во организација на АК 7-ми Ноември од Гевгелија а по повод празникот на градот денеска по гевгелиските улици се одржа ,, November Run Gevgelija 2022” на 5 и 10 километри на кои делници учествуваа околу 900 натпреварувачи од земјава но и од Србија, Грција, Косово , Албанија, Полска, Австрија, Бугарија, Холандија, Италија и Швајцарија.
Дождот што паѓаше не ја расипа атлетската магија по улиците во Гевгелија каде голем број гевгеличани излегоа и даваа поддршка на учесниците. Како и лани така и ова година на трките во Гевгелија поставен е нов рекорд, овој пат во женска конкуренција на делницата од 10 километри.
Адријана Поп Арсова беше најбрза на ова делница поставувајки нов национален рекорд со време 34:02 што е за 5 секунди побрзо време. Зад неа беа Греса Бакраги од Косово и Милјана Ристич од АК Делта Скопје. Во машка конкуренција Муса Хајдари од Албанија беше најбрз пред Атанас Анчевски и Жан Тосев од Македонија.
Победници во трката на 5 километри станаа, во женска конкуренција Магдалена Станковска пред Тамара Јолевска и Мери Шешо, додека кај мажите најдобар беше Астрит Криезиу од Косово втор беше гркот Мариос Балаукос а трет Трајче Илиевски од Македонија.
Постигнатите резултати може да се видат ТУКА. На линкот може да се видат и постигнатите резултати за деца кои вчера трчаа по улиците на Гевгелија а ги имаше околу 500 на делницата од еден километар.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
