Граѓаните од Југоистокот одлучуваат за кои проблеми треба да се потрошат милион евра, обезбедени од ЦРЈПР

787

Преставници од граѓанскиот сектор, бизнис заедницата но и општините ги почнаа форумските сесии преку кои ќе треба да одлучат кои регионални проекти се приоритетни за реализација со средства од Грантовата шема но и од Програмата на Бирото за регионален рамномерен развој, обезбедени од Центарот за развој на Југоисточниот плански регион. Учесниците на првата Форумска сесија на заедницата, денеска во хотелот Сириус дискутираа за проблемите кои ги засега регионот а при тоа нудеа решенија од кои би требало да произлезат идеи и концепти за предлог проекти во различни области.

,, Целта е да се слушне јавното мислење односно да го слушнеме гласот на граѓаните што треба да се направи во регионот, односно кои се проблемтие и како да се надмине тоа. Денешната форумска сесија е поделена во два дела. Првиот дел е Грантовата шема во која треба да се доделат средства за еден проект од минимум 320 илјади евра. Во вториот пак дел, треба да се изберат приоритетни проекти од Програмата за регионален рамноменерен развој од која ние како Југоисточен регион имаме на располагање околу 46 милиони денари или 750 илјади евра. Од истата може да дадеме три приоритетни проекти за кои треба да одлучува Советот на Југоисточниот плански регион,, кажа Жулиета Ѓуркова раководител на Центарот за развој на Југоистокот.

На првата форумска сесија како приоритети за решавање се истакнаа проблемите од делот на заштитата на животната средина односно загадени води, воздух, селекција на отпад но и за подобрување на туристичката понуда во Југоистокот. Форумската сесија ја спроведува Центарот за развој на Југоисточниот плански регион во соработка со Министерството за локална самоуправа и  Швајцарската агенција за развој и соработка.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.