Голем број струмичани ќе ги бодрат македонските ракометари во Краков – Полска (фото/видео)

1196

Голем број струмичани заминаа за Полска  за да ја бодрат македонската ракометна селекција на својот настап во Краков во рамките на Светското ракометно првенство. Таму им се приклучија и нашинци кои живеат и работат во Англија, Швајцарија, Германија, Полска, Чешка. Познатата македонска ,,фаланга,, ги обои улиците во Краков но и  арената каде вечерва избраниците на Кире Лазаров ќе го имат мечот со Норвешка. Повеќе илјада македонци во црвено жолти дресови и навивачки дресови веќе се во Полска за да и дадат максимална поддршка на македонските ракометари.

Македонските ракометари вечерва ќе го имаат својот прв настап на Мундијалот. Во Краков  момците на Кире Лазаров ќе се судрат со еден од најсериозните кандидати за златото – селекцијата на Норвешка. Мечот е закажан во 20 часот и 30 минути. Македонија во недела игра со Холандија а во вторник со Аргентина.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.