Во Југоистокот заклучно со ноември 12 631 невработени лица, меѓу нив и 42 магистри на науки

981

Заклучно со ноември во општините од Југоистокот како невработени се водат 12 631 лице кои се евидентирани во Центрита на Агенцијата за вработување во Струмица, Гевгелија, Радовиш и Валандово и се водат како активни баратели на работа.  Во однос на октомври бројката е зголемена за нови 111 лица со што продолжува трендот на зголемување на невработеноста како последица од здравствено економската криза предизвикана од вирусот ковид-19.

Во Струмица и регионот на 30 ноември се евидентирани 6 727 невработени што во однос на октомври е зголемување за нови 83 лица. Зголемена е невработеноста и во Радовиш. Таму заклучно со ноември се евидентирани 2 914 невработени и во однос на претходниот месец е зголемување за нови 59 лица. Во Гевгелија и околните општини Богданци и Дојран има пак намалување на бројката на невработени. Таму на 30 ноември биле евидентирани 2 035 лица што е намалување за 31 лице во однос на октомври. Во Валандово бројката на невработени во октомври и ноември е идентична – 955 лица.

Во сите Центри на АВРМ во Југоистокот како невработени најмногу доминираат лицата без или со завршено основно образование. По што следуваат невработени со завршено средно. Во Струмица и регионот 288 лица се активни баратели на работа со високо образование во Гевгелија и околината со високо чекаат работа 193 лица во Радовиш 117 а во Валандово како невработени со универзитетска диплома се 77 лица

Интересен е фактот што заклучно со ноември во Југистокот како невработнеи се водат и 42 магистри по науки. Во Центарот за вработување во Струмица како невработени се водат 19 магистри, во Гевгелија 13, во Радовиш 6 и во Валандово 4 лица кои магистрирале во некоја од високообразовните институции

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.