Десетина дечиња од струмичко на возраст од 5 до 12 години ќе запеат на шестото издание на детскиот музички фестивал ,,ЈОЈО’’ што ќе се одржи на 6 јуни во Центарот за културата во Струмица. Станува збор за фестивал на кој дечињата ќе упатат порака за другарство, улични детски игри и меѓусебно почитување.
,, Сакаме да ги презентираме струмичките млади музички таленти. Преку фестивалот нашата намера е да се дружат преку активни игри без компјутери и телефони. Има доста интересни песнички со многу силни пораки до родителите и останатите деца. Сакаме да понудиме нови десет детски песнички и да ги натераме децата повторно да играт криенка, ластик, керна’’, ни изјави Мери Јанчева од здружението ,,ЈОЈО Кидс’’ која наавува дека сите учесници ова година тоа ќе го покажат токму на улица во градскиот парк
,, Ќе пратиме порака – оставете ги телефоните и компјутерите, дружете се, сакајте се и почитувајте се сите’’, потенцираше Јанчева
На фестивалот годинава ќе пеат: Мартина Малчева со песната ,,Маче Шарено’’, Андреа Нанова ќе ја изведе песничката ,,Журка’’ додека Душко Никовскисо песничката ,,Пират’’. На фестивалската сцена во Цетнарот за Култура во Струмциа ќе запее и Стефанија Поцкова за нејзината тетка, додека Марија Божинова за нејзината желба. ,,Роденденски подарок’’ е песничката што ќе ја отпее Зоран Христова а Симона Бундевска ќе се престави со песничката ,,Музичар’’. Јана Попова ќе настапи како осма со песничакта ..Журка во шумата’’, Сава Пецева ќе се престави со ,,Детска песна’’ а фестивалското дружење ќе се заокружи со настапот на Анастасија Костова со ,,Мајска песна’’
Алеександар Бончев, Иван Кукиќ, Горан Алич, Серафим Костов, Коран Кукиќ, Ване Јанев и Тони Митров се јавуваат како автори на музиката и потписници на аранжаманите на песничките додека текстовите се на Елисавета Бончева, Стојне Карадакоски, Ице Беличев и Десанка Костов. Песничките се снимени во студиото ,,202““ во продукција на Горан и Иван Кукиќ. Фестивалот кој е со поддршка на општина Струмица започнува во 19 часот во Центарот за култура
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
