Ова инфораструктура ќе овозможи похуман, посензитивен и попрофесионален пристап во постапувањето со децата, особено кога тие се жртви или сведоци на насилство. Заедно со веќе воспоставените капацитети во Битола и со просториите што ќе следуваат во Тетово и Скопје, градиме систем што ќе обезбеди еднаква заштита за секое дете, без разлика каде живее.
Вака кажа министерот за внатрешни работи Панче Тошковски на денешното пуштање во употреба на просториите за разговор со деца во Секторот за внатрешни работи Струмица, активност што се реализира во рамките на проектот „Шведска поддршка на полициските реформи во Република Северна Македонија“
„Верувам дека силата на една институција не се мери само според нејзините законски овластувања, туку и според начинот на кој ги штити најранливите. Нашата обврска е секое дете да добие безбедна средина, професионален третман и целосна заштита на своите права, без дополнителна траума и без секундарна виктимизација’ кажа министерот Тошковски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
