Во Радовиш ќе се монтираат фотонапонски централи за производство на струја, бенефит ќе имаат и Василево и Конче

927

До летото во Радовиш на крововите на спортската сала ,,25 ти Мај’’ и ООУ ,,Крсте Петков Мисирков’’ ќе се монтираат фотонапонски централи со капацитет од 430 киловати инсталирана моќност од кој бенефит ќе имат и општините Конче и Василево. Проектот ќе го реализира Центарот за развој на Југоисточниот плански регион откако од Швајцарската амбасада но и од министерството за локална самоуправа доби околу 370 илјади евра.

Како што соопштија од Центарот веќе е распишан тендерот за инсталација на централите кои ќе произведуваат струја од сончевата енергија. Според потпишаниот договор 50 одсто од производената струја ќе биде за општина Радовиш а останатиот дел ќе го делат останатите две општини – Василево и Конче

,, Со инсталација на овие две фотоволтаични централи полека пристапуваме во енергетски независни општини, оти сметките за потрошена електрична енергија се поголеми. Ако добиеме сериозни понуди, очекувам во летните месеци да почне производството на електричан од сончевата енергија. Како општина произведената електрична енергија ќе ја претвараме во топлинска за загревање на сите локални јавните институции, бидејки имплементираме и друг проект финансиран од ЕУ за изградба на мини топлана, па преку термо пумпи ќе го замениме фосилното греење во градинката, гимназијата,  општинската зграда, основно училиште и спортската сала,, рече градоначалникот Ацо Ристов

Во Радовиш, фотоволтаична центра има гимназијата ,,Коста Сусинов’’ која произведената струја ја користи за сопствени потреби а вишокот го продаваат на универзалниот снабдувач. Според проекциите за една година треба да произведат околу 17 илјади киловат часови или 30 процнети од вкупната струја што ја троши училиштето. Централата на ова средно училиште беше поставени со поддршка на Локалната акциска група Плачковица, која постави и фотоволтаици на три јавни институции во Конче, Карбинци и Штип.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.