Во Радовиш со пари од ЕУ ќе се гради мини топлана за зaгревање на шест јавни институции

1620

Во наредните три години во Радовиш ќе се гради мини топлана за загревање на неколку јавни институции.  Средства во висина од приближно милион евра се обезбедени од ЕУ во рамките на проектот ,, ЕУ за општините’’ . Веста ни ја потврди и градоначалникот на Радовиш Ацо Ристов откако пред неполна недела Миниситерството за локална самоуправа објави дека ЕУ ќе финансира проекти во осум општини во земјава и тоа во Велес, Радовиш, Тетово, Аеродром, Врапчиште, Охрид, Струмица и градот Скопје

,, Станува збор за проект од областа на енергетската ефикасност, конкретно за изградба на мини топлана со систем со кој се планира да се загреваат шест објети во Радовиш. Станува збор за јавни институции кои се под капата на општината. Мини топланата ќе биде со комбиниран систем  при што ќе се користат фотоволтаици и соларни панели  но и на систем на пелети за што во соработка со шумското се планира да се користи  отпадот од дрвена граѓа за производство на пелети,, изјави за Дрнка.МК градоначалникот Ацо Ристов

Со поектот ,,ЕУ за општините’’ во Струмица се предвидува проектот ,,Струмица паметен вело град“ со изградба на велосипедска инфраструктура. Од одобрените осум проекти, два нудат иновативни решенија за управување со цврст отпад, два проекти се за подобрување на урбаната мобилност, и по еден проект за социјална инклузија на лица со попреченост, за дигитализација на локалните услуги, за енергетска ефикасност и за иновации за развој на туризмот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.