Во првото тромесечје од 2022 година Македонија има негативен природен прираст од 3.418, според податоците на Државниот завод за статистика. Во јануари, февруари и март годинава има 4.009 живородени деца, а починати се 7.427.
Од 80 општини во земјата, само во 9 има позитивен природен прираст на населението во првото тромесечје. Станува збор за општините Василево, Липково, Студеничани, Сарај , Чаир, Шуто Оризари, Арачиново и Долнени.
Минатата година, во Македонија починале рекордни 28.816 лица, што е зголемување од над три илјади во однос на претходната година. Природниот прираст е -10.236. Во 2020 година починале 25.775 лица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
