Во недела на 31-ви март 2024 година ќе се реализира еко акцијата „Чисти ридови за сите “ која ќе ја спроведе Велосипедскиот клуб „Актив“ во општините Струмица, Василево, Босилово и Ново Село. Оваа година по четврти пат се организира оваа еко акцијата која прераснува во убава традиција токму на почетокот на пролетта.
Еве ги локациите, каде ќе се спроведе акцијата:
Општина Струмица:
– групата ќе започне од РЦСОО „Никола Карев“ во 10:00 часот од каде групата ќе се упати по асфалтниот пат „Лозињата – Чамчифлик”, за на крај да се пристигне до месноста т.н. Стрелиште.
Општина Ново Село:
– еко акцијата ќе се спроведе на „Новоселска брана” со почеток во 10:00 часот.
Општина Босилово:
– еко акцијата ќе се спроведе на „Брана Иловица” и просторот околу манастирот во Хамзали, со почеток во 10:00 часот.
Општина Василево:
– еко акцијата ќе се спроведе на јавните површини во сите населени места, со почеток во 10:00 часот.
Предвидено е собраниот смет учесниците да го одложат во вреќи за отпад покрај патот на предвидените рути и локации, од каде со возила на комуналните претпријатија понатаму сметот ќе биде собран и одложен во соодветните депонии.
Организаторот на оваа еко акција Велосипедскиот клуб „Актив“ Струмица ги поканува сите вас – љубители на природата, кои сакаат почиста околина, кои се подготвени да одвојат дел од своето слободно време да се вклучаат во оваа акција и сите заедно и организирано да и вратат нешто на нашата прекрасна природа.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
