Во недела на 20-ти септември во Дојран ќе се одржи националното првенство во триатлон, кое ќе биде во организација на Триатлон Федерацијата на Македонија и Општина Дојран, шампионат кој ќе биде потпомогнат од Агенцијaта за млади и спорт и Македонскиот Олимписки Комитет . Националното првенство ќе се реализира согласно владините мерки и препораки за одржување на настани под отворено и заштита од ковид-19.
,,Триатлон спортот во Македонија засилено расте и напредува и очекуваме убаво организирана и силна трка во недела во Дојран,, објави федерацијата од каде информираат дека учество ќе земат 80 натпреварувачи во 12 категории
Организаторите апелираат до сите учесници без исклучок да ги почитуваат протоколите и мерките за заштита од ковид-19. Задолжително е носење маска пред и по трката, да се избегнуваат групирања, да се одржува физичка дистанца и редовна дезинфекција на рацете на пунктовите поставени за таа цел.
,,Заради одржување триатолн првенството, патниот правец од Нов Дојран до ГП Стар Дојрн на ден 20.09.2020 година, во периодот од 09:00 до 10:30 часот ќе биде целосно затворен ,, информираа од општината од каде велат дека се горди што по шест години пауза повторно во Дојран се организира ваков настан.
Триатлон или тробој е спортски натпрвар во издржливост во која се застапени дисциплините пливање, возење велосипед и трчање од страна на учесниците.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
