Изградбата на спортската сала во Конче која стартуваше летово тече според предвидената динамика информираат од општина, од каде истакнуваат дека изведувачот ,,Гранит’’ ги реализира работите според утврдениот план. Станува збор за спортска сала која се гради со средства на Министерството за образование, во дворот на ООУ “Гоце Делчев” во општинскиот центар Конче и истата би требало да биде готова за почетокот на следната школска година.
,,Изградбата на спортската сала се одвива во полн ек, ова ќе биде првата спортска сала изградена во општина Конче, овој проект беше еден приоритетните проекти за кој вложивме голем труд за да успее, како што најавивме и претходно општина Конче ќе продолжи да вложува во проекти за развој на младите и подобрување на условите за нивното образование’’, напиша градоначалникот на Конче Благој Илиев
Освен за учениците и за потребите на образовниот процес, првата спортска сала во општина Конче може да се користи и за рекреативни цели се со цел развој на младите и генерално за развој на спортот во ова мала општина, која контуинирано ги поддржува спортските клубови и турнири што се организираат во рамките на ова локална самоуправа.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
