Општина Струмица објави известување за жителите на Вељуса со кое ги информираат дека водата не е здравствено исправна за пиење.
„Овој наод е констатиран по извршените анализи на земените мостри од чешмата пред училиштето од страна на Центарот за јавно здравје – Струмица. Забраната важи се до добивање на негативни резултати од следна анализа“, стои во известувањето од Општина Струмица
Известување има и од ЈПКД Комуналец за жителите на Водоча во кое велат дека водата од водоводната мрежа моментално не е безбедна за пиење.
„До понеделник, водата да се користи само за технички и санитарни потреби — не за пиење и подготовка на храна.За обезбедување вода за пиење препорачуваме користење на флаширана вода.Екипите на Комуналец работат на нормализирање на состојбата. Веднаш штом водата биде безбедна за употреба, јавноста ќе биде известена“, стои во известувањето на Комуналец
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
