Петок сабота и недела во спортската сала Парк во Струмица ќе се одржи завршницата од одбојкарскиот КУП на Македонија во машка и женска конкуренција. За титулите конкурираат вкупно 8 екипи меѓу кои и две струмички. Џио во машка и Струмица Жени во женска конкуренција.
Според програмата во петок и сабота се полуфиналните мечеви додека во недела се играат големите финалиња по кој ќе бидат познати имињата на новите носители на КУП титулите.
Во машка конкуренција Џио Струмица во полуфиналето ќе се сретне против Вардар Скопје додека во вториот полуфинален меч мегдан ќе поделат Универзитет Тетово и Шекендија. Полуфиналните мечеви се играат во петок а победниците од овие два меча во недела ќе играат за титулата. Се очекува финална пресметка меѓу Џио Струмица и Универзитет во Тетово
Во женска конкуренција ждрепката сакаше Струмица Жени да игра со Јанта Волеј Кисела вода која во моментов е лидер на табелата додека додека во второто полуфинале се среќаваат Работнички и Вардар Жени. Победниците од овие два меча играат финале. Ако се анализираат досегашните меѓусебни пресметки предност се дава на Вардар и Јанта Волеј за големото финале, но свои амбиции имаат и девојките на Струмица Жени и на Работнички
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
