Велигденски креации од ученици од радовишките основни училишта и детската градинка (фото)

633

Денес, по повод големиот Христијански празник Велигден, во Центарот за култура „Ацо Караманов’’, беше одржана традиционалната манифестација „ВЕЛИГДЕНСКИ КРЕАЦИИ“. Поединечно декорираните велигденски јајца, велигденските креациии, мозаици, цртежи како и велигденските песнички беа вистински празник за очите.

Учениците од општинските основни училишта и децата од детската градинка и покрај штрајкот на вработените во овој сектор, уште еднаш ја докажаа својата креативност поврзана со славата и значењето на најголемиот Христијански празник.

Честитајки го Велигден и упатувајќи пораки за воскресението Христово и обновата на животот, Градоначалникот Ацо Ристов на сите учесници им се заблагодари за убавините со кои го збогатија величествениот православен празник Велигден.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.