Василево обезбеди 600 илјади евра за реализација на три проекти од патната инфраструктура, вели градоначалникот Јанев

2735

Општина Василево во наредниот период деновиве ќе ја отпочне постапката за реализација на три проекти од патната инфраструктура за кои средствата ги обезбеди од АФПРЗ но и од сопствениот Буџет. Градоначалникот на Василево Марјан Јанев истакна дека трите проекти тежат околу 600 илјади евра . Договорите со АФПРЗ биле потпишани и во наредниот период ќе биле распишани тендери за избор на изведувач за да отпочнат работите на терен.

Како што информираше градоначалникот Јанев трите проекти се однесуваат на реконструкција и доизградба на патни правци но и улица во општинскиот центар со кои значително ќе се подобрат условите за живот на граѓаните од ова општината

,,Од мерката ,,Развој на јавна инфраструкутра во руралните средини’’ обезбедивме 15,5 милиони денари за реконструкција и ревитализација на патот од Владевци до Сушево во должина од 1878 метри . Во мерката ,,Обнова и развој  на селата’’  обезбедивме средства  во висина од 5 милиони  денари за реконструкција на улица во општинскиот центар Василево која ќе добие, нов асфалт, тротоари од двете страни, ново улично осветлување и атмосферска канализација а од мерката ,,Зачувување на традиционалите вредности во руралните средини’’ обезбедивме речиси 15 милиони денари со кој  планираме да асфалтираме нови 1700 метри од патот Чанаклија- Нова маала’’, подвлече градоначалникот на Василево Марјан Јанев

Како што подвлече Јанев како општина веќе пристапуваат кон отпочнување на постапката за реализација бидејки биле проекти по барање на граѓаните на општина Василево.

,,Со реализацијата на овие три проекти претежно во делот на патната инфрастурктура, значително ќе го подобриме условите за поврзување, безбедност на учесниците во сообраќајот но и за економски развој на нашите села што е главен приоритет за мене како градоначалник но и на општината’’, кажа Јанев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.