Десетина тимови со жители од населените места на Општина Босилово во недела ќе прават домашен ајвар на училишното игралиште во Босилово. Тие ќе бидат дел од манифестацијата „Ајверијада“ која има за цел да ги презентира традиционалните начини на приготвување ајвар, малиџано, лутеница, чушкарник и други продукти каде пиперките е основната суровина.
„ Правењето на домашен ајвер е дел од нашиот културен идентитет, нешто што треба да го чуваме. На овој настан ја славиме традицијата, културата карактеристична за овој регион, па и пошироко, а тоа е правењето на домашен ајвер““, објави градоначалникот на Босилово Ристо Манчев
Тој кажа дека ги разбира проблемите на земјоделците со пласманот на пиперките, но оваа манифестација која станува заштитен белег на општината треба да се негува, бидејки ја презентира македонската традиција и можноста да се промовриаат домшано приготвени продукти од вештите раце на домаќинките од општина Босилово
За време на манифестацијата посетителите може да си купат дел од изложените подготвени продукти на домашен традционален начин или пак да си купат свежи градинарски производи.
За музичкиот дел задолжена е групата Мелос со Сања Цинцева а ќе настапат и КУД Јане Сандански од Ново Село и КУД Преродба 24 од Прилеп од каде ќе има исто така екипа која ќе се приклучи во подготовката на домашен ајвар. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
