РК Астраион ја оствари и 13 тата победа во прволигашкиот шампионат откако на свој терен целосно го надигра тимот на Макеоднија ЃП со 31:16. Одлично издание на струмичани во кое сите ракометари постигнаа голови и ги испратија гостите со плус 15 за Скопје. Освен играчите од првиот состав, одлично играа и ракометарите кои чекаа шанса а станува збор претежно за кадети кои во второто полувреме само ја потврдија доминацијата на Астраион и ја остварија и првата ,,пролетна’’ првенствена победа.
Дека станува збор за разлика во квалитетот покажаа воведните минути кога струмичани поведоа со 5:0. Гостите немаа решение за ,,астраионци’’ па на полувреме имаа негатива од -12 (18:6). Во второто полувреме стручниот штаб на струмички Астраион даде шанса и на ,,резервистите’’ кои само го полена голот на Македонија ЃП кој во ниту еден момент немаше решение ниту пак сила за резултатско приближување
Стојан Стојанов со 7 гола беше најефикасен на теренот, по 5 гола постигнаа Ѓорѓи Касапов и Христијан Ефтимов, 4 реализираче Ончев, по 2 Спасов, Ристов и Котевски а како стрелци се запишаа и Бонев,Стојанов, Наков и Караиванов кои имаа по еден гол.
Со ова победа Астраион остана лидер во Првата ракометна група и не само што влегува како фаворит во новата лига, туку се отвора шанса и за пласман во Супер лигата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
