На иницијатива на ,,Амајлија Бенд’’ од Скопје деновиве за празникот Илинден направена е онлајн преработка на легендарната песна на Гоце Арнаудов и Блага Петреска ,,Да се вратат чедата“. Песната ја интерпретираат Кате и Виктор и двајцата по потекло од Струмица. Катерина Ристова која во моментов е во Америка а Виктор Барбутов кој живее во Скопје.
Членовите на ,,Амајлија Бенд“ составен од Виктор, Мики, Баже, Игор, Никола и Бојан засилени со Катерина Ристова, Иле од група ,,Маестро’’, Горјан од Скопски ,,Боеми’’ , Дамјан на тапани и Новица на кавал направија одлична преработка на песната ,, Да се вратат чедата’’ испеана пред 20 тина години на фестивалот Цветници. Станува збор за песна на Миле Барбаровски со текст на Огнен Неделковски а аранжамнот е на Тодор Трајчевски која на фестивалот беше првонаградена од жирито и публиката.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
