Академија Пандев договори пет контролни средби на подготовките во Анталија во Турција со екипи од повеќе држави

1462

ФК ,,Академија Пандев’’ кој идната недела заминува на подготовки во Анталија-Турција, ги договори контролните средби со кои планира да ја подигне формата за пролетниот дел од првенството. Станува збор пет пријателски натпревари со екипи од Русија, Србија, Бугарија и Туркменистан со кои ќе ги комплетира подоготвките пред стартот на втората фаза од првенството во која ,,пандевци’’ ќе мора да ја одбранат КУП титулата и да изборат нов излез во Европа

Како што не информираше Југослав Тренчовски пред да заминат во Турција тие во недела силите ќе ги одмерат во пријателски меч со Беласица од Петрич Бугарија. Според утврдениот распоред првиот меч во Анталија ќе го имаат со рускиот прволигаш Балтика и тоа на 26 ти јануари. Три дена подоцна тест контролка ќе имаат со тимот на Спартак Суботица од соседна Србија. На 1 февруари ФК Академија Пандев ќе се сретне со Септември Софија, на 4 февруари е закажан тест со Ротор од Русија, а подготовителните средби ќе бидат заокружени со меч со туркменистанскиот тим Алтин Асир.

Инаку овие денови ФК Академија Пандев објави, сениорскиот состав за пролетниот дел од првенството е засилен со бугаринот Ангел Грнчаров, албанскиот напаѓач Ндуе Мујеци, Бојан Најденов а за првпат професионален договор за првиот тим ставија и младите 16 годишниот Мартин Талаков и 17 годишниот Марко Алчевски.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.