Јани Атанасов кариерата ја продолжува во Полска, потпиша договор за прволигашот Краковија

4219

Македонскиот репрезентативец Јани Атанасов својата кариера од  хрватски Хајдук ја продолжува во полскиот прволигаш Краковија.  Атанасов кој потекнува од Струмичко Пиперево, денеска потпиша договор со Краковија на 3,5 години или конкретно до јуни 2026 година. За овој трансфер, сплитски Хајдук како што објавија  хрватските медиуми ќе добие 300.000 евра.

Јани Атанасов потекнува од школата на Академија Пандев.  Во јули 2018 година се пресели во турски Бурсаспор, од каде по 2 години замина во хрватски Хајдук каде пак запиша 69 настапи. Новиот клуб на својата веб страна му посакаа топло добредојде на Атанасов кој веќе запиша четири настапи во репрезентативниот дрес.

,,Со големо задоволство информираме дека редовите на најстариот спортски клуб во Полска ги засили 23-годишниот Македонец Јани Атанасов. Тој ни се приклучи на траен трансфер од хрватски Хајдук Сплит. Тој потпиша договор на 3,5 години
Јани Атанасов е роден на 31 октомври 1999 година. Своите фудбалски вештини ги научил од во Академија Пандев, во чиј сениорски тим се приклучи пред почетокот на сезоната 2015/2016. Во јули 2018 година се пресели во турски Бурсаспор, од каде по 2 години замина во хрватски Хајдук. Во актуелното ХНЛ натпреварување настапи на 11 натпревари и постигна 2 гола. За репрезентацијата на Северна Македонија забележа и 4 настапи. Тој е висок 187 см,, стои во објавата на полскиот прволигаш Краковија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.