Југослав Тренчовски се збогуваше со пандевци – Убеден сум дека ќе успеете во зацртаната цел, оти вие сте моите херои !

590

Стратегот на Академија Пандев Југослав Тренчовски на својот ФБ профил попладнево објави дека му истекол договoрот од 90 дена работа на позицијата Шеф на стручниот штаб на пандевци, но останува нивен верен подржувач и оптимист дека како негови херои ќе успеат да ја остварат зацртаната цел. Тој на кормилото на Академијата дојде по оставката на Александат Таневски кој си даде оставка по серијата лоши резултати. Во овие 90 дена тој успеа Академијата да ја однесе во полуфиналето од КУПОТ но и да го подобри впечатокот на пандевци во прволигашкиот шампионат.

,,90 дена исполнети со дружење, радости, тагувања. Денови во кои се обидовме да ја вратиме психолошката стабилност. Остваривме неколку подеми, победи. Горд сум на вашиот пласман во полуфиналето од националниот куп. Но исто така имавме и многу падови, премногу изгубени бодови на домашен терен, бевме сведоци на многу судиски одлуки кои беа на штета на сите нас. Во едно сум убеден, а тоа е дека од сите овие моменти научивме многу бидејќи го чекоревме најтешкиот пат. Лузните кои ги добивме во овој период во иднина само ќе сведочат за нашата желба, постојаност, верба… Следува период на одмор, носете мудри одлуки, со ладни глави. Засекогаш ќе останете во мојата позитивна страна, од една моја приказна во која ќе ги помнам само прекрасните моменти. Во иднина ќе бидам ваш најверен подржувач, затоа што убеден сум дека ќе успеете во зацртаната цел, затоа што вие сте моите херои !!! Според претходниот договор нашето заедничко патување денес заврши. Време е за некои лични и нови предизвици, нови почетоци’’, напиша Тренчовски кој лани беше прогласен за тренер на годината.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.