Маестрална игра на кошаркарите на Струмица во плеј офф завршницата против Шкупи. На свој терен славеа со 87:73 и поведоа со 1:0 во серијата за две добиени средби во завршницата од Втората лига. Пласманот во Прва лига може да го осигурат веќе во среда идната недела доколку слават во Скопје или пак во третиот меч на свој терен во сабота.
Избраниците на Ики Христов и Атанас Цикарски победата ја најавија уште во првото полувреме. Не му дозволија на гостинскиот состав да се разигра. Првиот период го добија со 23:18 а втората четвртина со 25:13. Предноста ја зголемија на 27 поени откако третиот период го добија со 27:17 по што следуваше опуштање но не дозволија Шкупи да надомести во последната четвртина која ја доби со 25:12.
Абрашев беше најефикасниот кај струмичани. Уфрли 23 поени по што следуваа Шајкарови и Димитриев со по 17 поени. Мелов запиша 9 а Зетов 8. Како стрелци се запишаа и Георгиев и Алексич со по пет поени и Ахтаров со 3
Со евентуална победа во среда на гостински терен КК Струмица како финалист од Втората лига се враќа во најдоброто кошаркарско друштво во Македонија по пауза од 4 години
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
