Градоначалникот на Струмица, Петар Јанков го прими тимот во баскет 3х3 кој го освои бронзениот медал на „Плазма спортските игри“ во Сплит Хрватска. Јанков им го честиташе постигнатиот успех, вложениот труд и посветеноста, истакнувајќи ја важноста на поддршката на младите и развојот на спортот.
Станува збор за младите Томас Стојковски, Марко Јовановски, Стефан Златески и Јован Стојков, кои под името на Ролинг од Македонија заедно со својот професор Никола Џорлев стасаа до бронзата во конкуренција на екипи од цел Балкан.
Како признание за нивниот успех, Фондацијата „Нова Генерација“ од Струмица обезбеди вредносни ваучери во вредност од по 6.000 денари за спортска опрема, за секое од четирите деца и за нивниот професор Никола Џорлев а ваучерите ги додели првиот човек на општината Петар Јанков.
„ Со оваа поддршка, Општина Струмица продолжува да го поттикнува спортот, да ги вреднува постигнувањата на младите и да создава услови за нивен понатамошен развој и успех.Општина Струмица упатува честитки до младите спортисти и нивниот професор, со желба за уште многу спортски достигнувања“, стои во информацијата од Општина Струмица до медиумите
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
