Трите руски засилувања на македонскиот шампион ОК ,,Струмица Никоб”, Александар Злобин, Максим Михаилов, Алексеј Лободин нема да патуваат за Холандија на мечот со Динамо Апелдорн. Холандските власти не им даде визи за влез на русите кои во дресот на Струмица Никоб, идната недела на 20 ти септември требаше да го играат првиот меч од Лигата на Шапиони. Официјалното објаснување за одбивањето да им се доделат визи, било дека постои страв дека нема да ја напуштат Холандија.
Веста ја потврди и стратегот на струмичани Кирил Ричлиев кој смета дека тоа ќе преставува голем проблем и хендикеп за екипата во намерата да се извлече поволен резултат на гостувањето кај Динамо.
,, Точно е. Трите руски засилувања не добија визи за влез во Холандија. Ќе настапиме доста ослабени но се надевам дека ќе го дадеме максимумот иако недоажањето на Злобин, Михаилов, Лободин ќе го нарушиот планиран концепт на игра,, ни изјави Ричиев.
Деновиве струмичкиот одбојкарски прволигаш и актуелен шапион потпиша меморандум за соработка и договор за спонзорство со групацијата Никоб.
,,Она на што сум најмногу горд се засилувањата оваа сезона која заедно со клубот ги обезбедивме, така што сме спремни македонската и клупската одбојка да ја преставиме во најдобро светло во Европа. Одбојката е спорт кој во Европа и Светот станува се попопуларен, а ние како општествено одговорна компанија сакаме овој спорт да биде пример дека е навистина репрезентативен и потребен за секој млад човек кој сака да се развива во здрава и стабилна личност. Ќе продолжиме да го подржуваме спортот како компанија, бидејќи сметаме дека спортот е оној кој обединува и ги неутрализира сите негативности кои знае општеството да ги обремени младите луѓе,, кажа првиот човек на НИКОБ, Кирил Лазаров.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
